نكت مغربية

كوكاكولا

شينوي بغا يشري في المغرب 3 قراعي ديال كوكاكولا دخل الحانوت و گال ليه : ين شين شانج هونغ كوكاكولا :شاف فيه مول الحانوت متعجّب و سوّلو ? القراعي ديالاش گلتي

ساهلة ماهلة

سولوا واحد: كيفاش كنقولو ساهلة ماهلة بالفرنسية؟ قال ليهم: facile macile

ركبوا بلا ما يخلصوا

هادو واحد الرباعة طالعين فطاكسي وما معاهم حتى ريال، اتفقوا يهربوا بالزربة مني يوقف الطاكسي. فعلا، ملي وقفات الطوموبيل، حلوا البيبان دغية وبدوا يجريو ورجليهم تضرب ضهورهم. دخلو لواحد العمارة، وطلعوا أول إطاج، تاني إطاج، تالت إطاج، حتى وصلوا للسطاح. تخباو فالضلام وبقاو شي نص ساعة لا حس لا نفس. شوية واحد فيهم نغز اللي حداه وقال ليه: ما عرفتش أشنو طرا بالشيفور! قال ليه لاخور: راني أنا الشيفور، ها العار قولوا لي أشنو واقع.

جوج كيسان

هادا واحد الراجل قال لمرتو: جيبي ليا جوج كيسان، واحد فيه الما وواحد خاوي قالت ليه: علاش؟ قال ليها: نقدر نشرب ونقدر ما نشربش

التبويقة

واحد المبوق شد المانضا وجالس يحسب ف الدار قال: ها 600 درهم ديال الكرا، ها 800 درهم ديال التقدية، ها 200 درهم ديال الما والضو، وها 500 ديال التبويقة شوية سمع الدقان على الباب: حل الباب، البوليس هادا وهو يقطع 500 درهم ديال التبويقة، عاد ناض حل الباب

الشهرية

واحد مشى عند القاضي باش يطلق مرتو القاضي قالو: راجع نفسك راه تعطيها نصف الشهرية نفقة ؟ قاله: أتوكل على الله ... راه كانت كتديها كاملة

الجمال أولا الكفاءة

هادو جوج بنات وحدة زوينة ووحدة خايبة تقدموا لشركة بطلب باش تكون وحدة فيهم سكرتيرة مشاو لعند المدير وقال ليهم: أنا ما كيهمنيش الجمال، أنا كتهمني الكفاءة. غنسول كل وحدة فيكم سؤال باش نشوف شكون اللي تستاهل الخدمة. سول البنت الزوينة: ماهي بلد المليون شهيد؟ قالت ليه: الجزائر. قال ليها: ممتاز. و هو يسول الخايبة: ما هي أسماء المليون شهيد؟

إلى حبي الوحيد

واحد البنت مشات لواحد المكتبة، وسولت مولاها : عندك شي كارت بوسطال فيها "إلى حبي الوحيد"؟ قال ليها: عندي. قالت ليه: عطيني شي سبعة منقول من موقع شوية فهامة